বডেঃ - কডা গণনাট্য ।। পঞ্চম অঙ্ক ।। সপ্তম দৃশ্য

 বডেঃ - কডা গণনাট্য

[ পঞ্চম অঙ্ক ]

{ সপ্তম দৃশ্য }

[ দীপু আর লিলি দুরোঙেকিন ]

দীপুঃ- ধুন্দু ধুন্দু লেলেঃকিনিঞ , নেন্ডে কি হিঃ দারিইঞ।
যত্ত থাং সেন দারিইঞ ,যদি ইঞ ঠিক ধানঃইঞ।।
লিলিঃ- আমগে উদুঃ কিঈঞাম সজে হরাটা।
নাহাআ বুঝো নামেএঞ , নেএ জীওনটা।।
দীপুঃ- চিমতিঃ দুঃখ , চিমতিঃ কষ্ট , জিওনরে হিএ কানা।
কুরোমরে বিঃ মিনাআ , রাপাআ তো কা চাবায় না।।
লিলিঃ- দুঃখরেন পর হুযুআ সুখ, জীওনরেগে মিনাআ।
দুঃখটেকে বুঝোলেখান , তবেইতো সুখ নামোআ।।
দীপু , লিলিঃ- ( মিসাতে) ধুন্দু ধুন্দু লেলেঃকিনিঞ ,
নেন্ডে কি হিঃ দারিইঞ।
যত্ত থাং সেন দারিইঞ ,
যদি ইঞ ঠিক ধানঃইঞ।।

[ মুচেৎ-এ না ]

আলে ঘিড়মেন্তাং গে হিজ্‌ সেটের-অ-আ-লে অটঅ নামা , দমে হাঁউসতে পেরেজ্‌ অল সেকাম আগু কেতেঃ। আলোপে লিড়িঙেয়া নিয়া ব্লগ , নেঁডে হেতেন অনেক আবুআ আদিবাসী কডা সমাজ রাআ খবর নাম ইদিয়াপে। মা তবে বেশগে তাহিন পে। জহার

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

=> বডেঃ - কডা গণনাট্য ।। পঞ্চম অঙ্ক ।। ষষ্ঠ দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। পঞ্চম অঙ্ক ।। ষষ্ঠ দৃশ্য

 বডেঃ - কডা গণনাট্য

[ পঞ্চম অঙ্ক ]

{ ষষ্ঠ দৃশ্য }

[ উমেশ আর কান্তি মিনি আকিন । অলক আর বানি বলয়নাকিন ]

উমেশঃ- দীপুরেন বাবাতেঃ চিঙ্কে ধানকানাম গাম ?
অলকঃ- ইঙ্কা গে ! মোটামুটি।
উমেশঃ- আয়ুমেঃ কিনিঞ খুঃগে চিলোং বডেঃ নুএম। কামি কু দ কাম সনঅ তানাম ।
অলকঃ- (বহঅ গাদুর কেতেঃ) নুই গিঞ হুডং হুডং।
উমেশঃ- হুডং হুডং ! ভালিগে নুএম চিলোং ? উরাআরে যা নামেএম যত্ত ইদি কেতেঃ বডেঃ নু চাবাএম।
অলকঃ- না না ।
উমেশঃ- চিনেঃ না না ! নুএম অটোঅ গামেএম কাঞ নুএঞ। শারি জাগারটা হঁঅ কুঙ লঃ মে। -------- আচ্ছা ইঞ রাআ কুলতেএ বিনিঞ , আম ইচ্ছে কেতেঃ হিএ কানাম তো সি দীপুরফেন মাঞতেঃ জোরতে আগুতেএ মিয়ে।
অলকঃ- ইঞে ইচ্ছে রেগে হিএনিঞ।
বানিঃ- হুঁ কায় হিঃ নাথাং গঅ কানায় চিমতিঃ গাম কেতেঃ আগু কিঈঞ।
উমেশঃ- বেশ বেশ ! আচ্ছা দীপুরেন বাবাতেঃ লেলেম , আমাআ বয়স হুয়োঅ তানা তো?
অলকঃ- হ্যাঁ ।
উমেশঃ- নাহাআ নয় , আম দারিতানাম , জমেএম, নুএম হাঁডে নাঁডে কেতেঃ দিন কু পারোমেএম। চিমতোঃ কাম দারিআম ইমতোঃ চিনেঃ জমেয়াম আর কুথাং বা ধানআম।
অলকঃ- ( বহঅ গাদুর কেতেঃ ) হন হপনথাং গে দহন হুয়োআ। যা ইমিয়াকু এনেগে জম হুয়োআ।
উমেশঃ- তাহলে নাহাআ হেতেন হনকে ঠিক কেতেঃ দহ হুয়োআ, হনরেন ভালি-মন্দ বুঝো হুয়োআ, তবে তো হন মিঃ দিন লেল মিয়াকু। নিকারেগে হন নাথাং ঝানাআ যাহা কামি দারি অথচ হন যা গে বার মুঠো রোজগার আগুয়ে আনাকু হঁ-অ বডেঃ নু চাবাআ তানাম। আম তো বডেঃ নু কেতেঃ দিন পারম তানাম আর হন বাহু চিনে জম জম কেতেঃ ধানঅ তানাকিন আনা জাগার মিসে হঁঅ চিন্তা কানাম।
বানিঃ- চাউলিকু ইদি কেতেঃ বডেঃ নুয়ে, অটোঅ ঘুরিয়ে মাঁডি আসি কুয়ে। কুথাং নামেয়াম কাম নামেয়াম কায় বুঝোআয়।

উমেশঃ- নাআ কু আমাআ উচিত হুয়োতানা গাম। আম হুয়োনাম উরারেন গারজেন , আমগে বুঝোকুয়াম, বুদ্ধি ভরসা এম কুয়ামতা লহয়। উলটো আমকে গে হন লাকা বুঝো হুয়োঃ তানা। লেল আতেন কেতেঃ হুডং বুঝোরেন চেষ্টাম বানখান বাঞ্চারেন যাহান হরা কাম নামেয়াম, বুঝোইনাম। ----- তো বেশ চিকেন নাতিঃ আবেন রাআ কানাবেন এনেটা হুয়েনা যে, ইঞ আবেনেঃ হনকে লেলকেতেঃ আর কামি বুদ্ধি চরিত্র ব্যবহার যত্ত লেল কেতেঃ ইঞে ইরাহনরেন বয়ঃ কুশিই তিনিঞ। তো আবেন চিনেঃ গামেএবেন ? দিপুরেন বাবাতেঃ চিনেঃ গামেএম?
অলকঃ- ইঞ চিনেঃ গামেঞ, আংকিনগে ইঙগা হন শারিয়াকিন।
উমেশঃ- আম কি যাহানাআ কাম শারিয়াম। আম হুয়েনাম বাবা উড়াআরেন হেড। আম যদি নেএ জাগার গামেয়াম তাহলে বাবা হুই কেতেঃ চিনেঃ চিকেএম।
অলকঃ- বেশঃ- আঙ্কিন কুশি লাখান ইঞ হঁঅ কুশি।
উমেশঃ- দীপুরেন মাঞতেঃ চিনেঃ গামেএম ?
বানিঃ- আম যখন নিজে তেকেঃ কুশি তানাম তাহলে ইঞে গাম্‌রেন ঝানাআ বাআয় না।
উমেশঃ- বেশ তাহলে কুশি নাবেন। দুতোম বেশি দেরী কেতেঃ লাভ বাআয় না। নিঈ বংগারেন আঠারো তারিখরে দুতোম হুয়োঃ খা। আর দুতোম থানরে হুয়োআ। --- বালা আমকে অট-অ গামামে তিনিঞ হুডং কম নু রেন চেষ্টাম। হুডোং বুঝোরেন চেষ্টাম তাহলে খান ঝতয়ঃ ভালি মিয়াকু। নেএ জাগারটা কাম বুঝোয়াম মাঁডি তো বাদেম হনরেন দাল তো যাহাথেন কা সেন। --- আর ইঞে মিঞে জাগার হুয়োঃ তানা ঠিক যদি কাম ধানআম বালানি ,ইরাহন বয়ঃ যত্ত আগুকুঞ মিকঃ হেদে উরাআ এমাকুঞ , ধানোয়াকু। লয়ং বার্গি মিনাআ চাষেয়েকু জমেয়াকু। আর বুঝোখান দ দিলা আম হঁঅ ইঞে যা লয়ং বার্গি চাষ কাঞ দারিঃ তিনিঞ , নুর মিনাআ। বারান বালাতে জোড় তাড়তে চাষেই লাং ঝানাআ কা অসুবিধা হুয়োআ। বুঝোইনাম।
অলকঃ- হ্যাঁ , বুঝোইনিঞ।
উমেশঃ- মা তাহলে হুযুবেন।

[ জোহার কেতেঃ অলক আর বানি উডুং না কিন ]

** মাতবে নিন্তিগে , পরের দৃশ্য লাতার রে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। পঞ্চম অঙ্ক ।। পঞ্চম দৃশ্য

=> বডেঃ - কডা গণনাট্য ।। পঞ্চম অঙ্ক ।। সপ্তম দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। পঞ্চম অঙ্ক ।। চতুর্থ দৃশ্য

 বডেঃ - কডা গণনাট্য

[ পঞ্চম অঙ্ক ]

{ চতুর্থ দৃশ্য }

[ উমেশ রুয়োতেনে , চাদর হারুঃ কেনে]

উমেশঃ- ( আয়ঃ নিজেগে ) উঃ... শালা ! সর্দি রুয়োঃ হঁ-অ কা চাবা-আ তানা , আমতিঃ রানু জম কেতেঃ হঁ । নাতে মাঠ ( বাইৎ ) দিকে হঁ-অ ঘুরো কা হুয়োতানা। লয়ং কু দা-আ টান মজে-এ সি চিকে তানা ?

[ রোবু আর কান্তি বলয় নাকিন ]

এই রোবু করেকা ? সনম দু মাঠ কু মিসে ঘুরো হুজুমে। দা-আ লাগা-আ , সি চিকে-আ ? লেল আগুম।
রোবুঃ-ইঞ কাঞ সেন দারি-ইঞ। ইঞে দারা কা হুয়ো-আ ।
কান্তিঃ- সনম দু বাবু , আলো আঙ্কা-আম। বাবা রুয়োঃ তেনে এনে মেন্তেঃ গামেতেনে। বানখান গাম মিয়ে হুলোং ?
রোবুঃ- ইঞ তিহিন কাঞ সেন দারি-ইঞ। সে গাপা মিয়াং সনঞ হাঁ।
উমেশঃ- ( রাগতে ) গাপা মিয়াং সেন কেতেঃ ইয়েয়াম। টানোঃ তানা সি চিকেঃ তানা , লেল আগু গামোঃ তানা তো গাপা মিয়াং লাগাকেনে। জমেয়াম বার তিহিতে। মিঞে কাম কামী দারি-আম, কাম যাহা দারি-আম। এমনিগে জম হুযু-আ। আম দারা চাষ কা হুয়ো-আ। ইঞ চিমিন দিন ( হুলাং ) ইমতিঃ দিন গে ! পুড়া কেতেঃ চিনেঃ চিকে-এম লেল-অ তানা হাঁ।
রোবুঃ- চাষ হঁ-অ কাঞ চাষেঞ । পুড়া কেতেঃ ঝানা-আ কামী হুয়ো-আ তো , বাইরে কামী সনঞ।
উমেশঃ- চিরদিন গে বাইরে কামী কেতেঃ জমেয়াম হাঁ । মিঞে জাগার গামোঃ তানা তো কা আয়ুমো-অ তানা । আমা-আ নাতি গে যত্ত করা হুয়োঃ তানা।
রোবুঃ- ইঞে নাথাং কা করা হুয়ো-আ। ইঞে বেশ কা-বেশ ইঞ বুঝোঃ কঞ।
উমেশঃ- মাঠ কাম সেন দারি-আম তো , দীপু কে ত রা-আ দারিয়াম।
রোবুঃ- ইঞ যাহাথাং কাঞ সেন দারি-ইঞ। আবেন চাষ দারি তে-এ-বেন , সন-অ-বেন দু ।

[ রোবু উডুং নে ]

উমেশঃ- চিনেঃ গামিয়াম নাকান হনকে ।
কান্তিঃ- কায় আয়ুমিয়ে বাগিতিম । নেল লেঞ , ইঞগে মিঃ ঘারই ঘুরো হুযুঞ হাঁ।
উমেশঃ- হানা পুখুরি হেদে সরষেটা টান জমে-এ মনেহয়। চিমিন দিন সিদে গে , বাত গে লেলেঃ কিনিঙ। ...... উঃ... না-আই হন তেনেতাম। মিঞে জাহান জাগার কায় আয়ুমে-এ বাপু , হারাম লাখান মিঃ মুঠো মাঁডি এম মিয়ে সি কি জানি। আনি দীপু হুয়েনায় মিঞে হন। আনিকে যা গামিয়াম তাইগে করায়ে। মনরে হুডং আস্কেদ গে বা-আয় না।
জনপ্রিয় পোষ্ট ঃ- Adibasi Koda New Mp3 Song Download 2020
কান্তিঃ- উকি হন জম কাকু নামেয়া আংকু হনগে ভালি হুয়ো-আকু। নাকু জম নামে-একু ইতিল্গে আটকারে-একু। জাগারটা ঠিকগে গামে-এম যে দীপু ল-অ গে জুরা হুয়ো-আ মনে হুয়োঃতানা। ঝানা-আ নামো-আ আর কা নামো-আ হারাম-বুডিয়ে লাখান বার মুঠো মাঁডি তো নামো-আ , বিটি আরা থাং।

[ উডুং-এনাকিন ]

** মাতবে নিন্তিগে , পরের দৃশ্য লাতার রে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। পঞ্চম অঙ্ক ।। তৃতীয় দৃশ্য

=> বডেঃ - কডা গণনাট্য ।। পঞ্চম অঙ্ক ।। পঞ্চম দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। পঞ্চম অঙ্ক ।। পঞ্চম দৃশ্য

 বডেঃ - কডা গণনাট্য

[ পঞ্চম অঙ্ক ]

{ পঞ্চম দৃশ্য }

[ দীপু বলয় নে, হুডং বডেঃ নু বুল গিয়ে ]

দীপুঃ-ঊঃ! ( রা-আই তেনে ) কাকা ও কাকী মিনি আবেন সি বা-আই নাবেন ?
[ উমেশ , কান্তি বলয় আঙ্কিন ]
উমেশঃ- অকয় , দীপু সি কা ?
দীপুঃ- হ্যাঁ ।
কান্তিঃ- ঝানা-আ গামে কুয়াম সি ?
দীপুঃ- হিঃ নিঞ আপে আন্তে । ( হুডং ঢুস্মো তেনে )।
কান্তিঃ- হাঁ , আম হঁ বাবা লেকা মাতাল চেদঃ তানাম সি চিনেঃ ? বডেঃ দ চিকেন তি নুএম হাঁ। ইঞ মনেমে কিনিঞ আম ভালি হন তানাম । শেষ কালে আম হঁ আমা-আ বাবা লেকাগে মাতাল হুয়ো-আম মনে হুয়ো তানা ।
দীপুঃ- ( তিহি জহার তে ) না কাকী, আঙ্কা আল গামিঞাম , তিহিন শারিগে বডেঃ নু তেইঞ। তবে যাহা চিলোঙ কাঞ নু ভাড়াঞ। তিহিন নুতেএঞ ধিত্‌কারতে , রাগতে , কষ্ট সহ্য কাঞ দারি কেতে।
কান্তিঃ- চিনেঃ রেন কষ্ট দীপু , গাম ?
দীপুঃ-বডেঃ নু কেতে বাবাকে খুঃগে দাল তি-ঈঞ । আর দাল কেতে আব্‌নে আন্তে হিএ কিনিঞ।
উমেশঃ- দূর খেপা ! মাঞ বাবাকে দাল কুয়াকু ? দাল কিন তানাম চিকেন নাতিঃ , নাকা ভুল আলো করায়াম ।
দীপুঃ- চিকেঞ কাকা , যাহান হরা কাঞ নামেএঞ। শারি ইঞ মাঞ-বাবা দালটা পাপ, তাঁও হঁঅ চিকেঞ যাহান উপায় কাঞ নামেঞ।
উমেশঃ- কাঞ নামেঞ মানে ?

দীপুঃ- লেলেম কাকা ! বাবা উরারেন চাউলিকু ঈদই কেতেঃ বডেঃ নু চাবাতেএ। নাতে কামী কেতে মিঃ টাকা হঁঅ কায় এমও তেনে। নাআ সিদে আয়মা বার চাউলি আখরিং বডেঃ নু তেএ , উপোষতে দহন হুয়ো কানা। উকা থান খাজারি ইদি তেএঞ এনে গে জম কেতে দিন পারম হুয়েকানা। সেই ইঙ্খান সাতশো টাকা ইদি লেএঞ আউরিগে রুয়ো নুতুমতে। আনা হঁ-অ বডেঃ দুকানরে এম শোধ কেএঞ। অটো-অ মাঞ গামেয়ে চিমতি চিলোং লয়ং ধানকানা আনা হঁ-অ ঝত আখরিং তেএ। আনি ইঞে নাতিঃ ঝানা কায় যাহাতেএ আনারে ইঞে দুঃখ বাআয় না। তিহিন যদি কামী কেতে হুডং সুখতে বার মুঠো জম কাঞ নামেঞ তাহলে নেএ হেতেঃ অটো-অ খারাপ চিনেঃ মিনাআ কাকা ? বাঞ্চা হেতেঃ না বাঞ্চা দহন গে ভালি ।
উমেশঃ- না কা দীপু না ! আঙ্কা আলো গামেয়াম । শারি গে ! আমা-আ বাবা খুঃগে হারামি গিয়ে , ছি...! আয়ুম কেতেঃ ইঞগে চিঙকে আটকারেঞ । নাই শালা হর তেনে কি জানি তাম ?
কান্তিঃ- আর দীপু , মাঞ চিকেএ ?
দীপুঃ- মাঞ উরারেগে ধানকেনে তো। আর কাকী লিলি কায় লেল নামতেনে , উকাতে সেএ কেনে ! ইস্কুল। শারিগে লিলি না মিঞে খুঃগে ভালি ইরাহন তেনে। খুঃগে ভালি।
কান্তিঃ- আঁ কা চিকে উল্টো-পাল্টা বুঝাঃ তানাম।
দীপুঃ- না তো কাকী , ঝানাআ কাঞ গাম তো।
কান্তিঃ- না গে লিলি লিলি গঃ কানাম দ। যাহা চিলোং তো লিলিরেন জাগার কাম গামেয়াম।
দীপুঃ- কাকী ইঞ ঝানাআ বুঝঃ কাঞ নামেএঞ। কাকী ইঞে বহ-অ ঘুরোতানা , গিতিঃইঞ কাকী গিতিইঞ।
কান্তিঃ- এনে এনতে চালাটেরে মিঃ হেদে গিতিঃ মে।
[ দীপু উডুং নে ]

Most Popular :- antong lang tahilena adibasi koda song download

কান্তিঃ- আঁ গো দীপু তো লিলিরেন জাগার যাহা চিলোং কায় গামেয়ে তবে কি যত্ত বুঝ নাম তেএ কিন ? সি আঙ্কিঙ্গে খুশি কানাকিন।
উমেশঃ- কি জানিতাম। এনেটাগত চিন্তা তিনিঞ। আর বডেঃ নু লাখান হর ভিতিররেন শারি জাগারটাগে গাম উডুঙয়াকু। আঙ্কিন মনেহয় যত্ত বুঝ নাম তেএকিন। অটোঅ দেরি লাখান কা হুয়োআ।
[ বানী বলয় নে ]
বানিঃ- করে ! দীপু নাতে হিএ কেনে ?
কান্তিঃ- হ্যাঁ। হিএ কেনে । দীপুকে চিকেনতিঃ বডেঃ খাওয়াতিয়াবেন ?
বানিঃ- বডে দ কালিঙ খাও। আয়গে নু হিএ কেনে। বাবাতেঃ চাউলি কু ইদি কেতেঃ বডেঃ নু চাবা তেএ। এনে মেনতে রাগতে বডেঃ নু তেএ মনেহয়। বাবা তেঃ কে দাল ভাড়া কিইয়ে নিয়ে উরাতেকে উডুংনে তো ঘুরে উরা কা বলয় নে। কয়ঃঅ ভাড়া কিইঞ, কাঞ লেল নাম কিইঞ , নিয়ে আবনে আন্তে হিএনিঞ।
উমেশঃ-আমতি ভালি হন টেকে একেবারে খারাপ চাবা কিঈয়াবেন।


বানিঃ- ইঞ চিকেইঞ। আয়াআ বাবাতেঃ হুয়ে নে হারামি। আমতি গামোতানা,বুঝোতানা তাও হঁ হুডঙ হঁ কায় বুঝোতেনে।
কান্তিঃ- মাঁডি ইসিন লেএ বেন ?
বানিঃ- চাউলি বা-আয় না মাঁডি কুথাংরে ইসিনিলিং ?
কান্তিঃ- তাহলে মাঁডি জম তেকেঃ সনঃআবেন আর হুডং চাউলি ইদি ধুরাআবেন।
উমেশঃ- বাবাতেঃ কুথাং ?
কান্তিঃ-উরাআ টেকে-এ গে গিতিঃ মিনিঈ।
উমেশঃ- গাপা যেন দীপুরেন বাবাতেঃ ল-অ বার হড়গে হুযুয়াবেন। দীপুরেন বাবাতেঃ কে গামিয়াবেন রোবুরেন বাবাতেঃ রাআ কুল তে-এ। আবেনে লঅ মিঞে খুঃগে দরকারি জাগার মিনাআ।
বানিঃ- আচ্ছা! ঠিক গিয়া।
[ উডুং-এনাকিন ]

** মাতবে নিন্তিগে , পরের দৃশ্য লাতার রে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। পঞ্চম অঙ্ক ।। চতুর্থ দৃশ্য

=> বডেঃ - কডা গণনাট্য ।। পঞ্চম অঙ্ক ।। ষষ্ঠ দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। পঞ্চম অঙ্ক ।। দ্বিতীয় দৃশ্য

বডেঃ - কডা গণনাট্য

[ পঞ্চম অঙ্ক ]

{ প্রথম দৃশ্য }

[উমেশ আর কান্তি জাগারে-এ কিন ]

কান্তিঃ- হাঁ গো ! বিটি তো আয়মা মারাং চাবায় নে। এবার তো বয়ঃ হন কু কে লেল হুয়ো-আ , দুতোম এম হুয়ো-আ।
উমেশঃ- তা তো এম হুয়ো-আ।
কান্তিঃ-তো ঝানা-আ ব্যাবস্থাম। যাহা দিকে লেল উডুঙম। ভালি পাড়া যেন বয়ঃ নামিয়াম। উরা-আ দুয়োর ভালি ধান-আ। ঝানা-আ গে কামিয়াকু , বডে-ফডে কাকু নুয়া।
উমেশঃ- আমতি বুগিন হন দ কুথাং নামিয়াম। আবো কডা হন দ অটো-অ বডে কাকু নুয়া ?
কান্তিঃ- আমতি নু হন ল-অ দ চিকেন তি ইমিয়াম। এনে মধ্যে গে যত্ত লেল আতেন কেতেঃ এম হুয়ো-আ।
উমেশঃ- তারপর অটো-অ নাহা-আ যা রাকাপা কানা , পণ টাকা । ইরাহন দুতোম এম মুশকিল।
কান্তিঃ- বিটিরেন যুখান চিঙকে লাগা-আ আলাং হঁ-অ বাবুরেন যুখান ইঙ্কা হাতায় লাং।
উমেশঃ- ধুর খেপি ! আমকে অটো-অ চিনেঃ বুঝঃমিঞ। যত্ত পাহী কি সমান হুয়ো-আকু। আম যেমন গামে-এম বিটিকে ভালি উরা-আ রে ইমিঞ।পাহী যদি ভালি ধান-আকু , গামেয়াকু আলে শিক্ষিত বুগিন ইরাহন চাই। পন-টাকা কালে হাতায়া। আর যদি গামেয়াকু আলে-এ উরা-আ দুয়োর ভালি গিয়া , আলে-এ হন না-আ কামিয়ে আলে নাতি-ঈ পণ-টাকা চাই। তাহলে টাকা এমেম। বানখান আমা-আ ইরাহন কাকু ইদিয়া।
কান্তিঃ- বেশ বেশ ! ঝানা-আ গে মিঞে ব্যাবস্থা হুয়ো-আ। নাহা-আ-রেন দিনকাল হঁ-অ খুঃ খারাপ সন-অ তানা। চিমতি-ই ইরাহন উডুঙ সেন-অ তানাকু। আলাঙা-আ বিটি হঁ-অ চিমতোঃ চিকে তিয়ে হাঁ গাম মুশকিল। অটো-অ চিঙকে গে আয়ুমেঃ কিনিঞ। , বিটি চিলং দীপু ল-অ খুঃ গে গল্প ভাড়ায় তেনে।
উমেশঃ- আমমা যত্ত গে আয়ুমিয়াম। গল্প কে-এ তো চিকেয় না।
কান্তিঃ- ইঙ্‌কা গল্প গল্প ল-অ গে উডুং সন-আকু , কাম শারি-আম।
উমেশঃ-আচ্ছা ! দীপু ল-অ গে জুরা লাখান চিঙকে হুয়ো-আ , গামতো।
কান্তিঃ- হে ! আনি ল-অ দ জুরা কা হুয়ো-আ। মিঞে উরা-আ দুয়োর ভালি বা-আয় না। মাঞ-বাবাতেঃ তিকিন মাতাল গিয়াকিন।
উমেশঃ- মাঞ-বাবাতেঃ তিকিন মাতাল গিয়াকিন তো চিকেই না ? হনটা ভালি গিয়ে সি কায় , গাম।
কান্তিঃ- তা তো ভালি গিয়ে।
উমেশঃ- আর আমা-আ বিটিতো মাঞ-বাবাতেঃ তিনেঃ ল-অ কায় ধান-আয়। আর দীপু হঁ-অ শান্ত-শিষ্ট হন। যাহান বডে নেশা কি যাহান খারাপ স্বভাব ঝাহানা-আ বা-আয় না। শুধু হুডং অল-অ পুড়া টাগে কম মিনি-ই। দরকার হুই লাখান ঘর-জামাই ধানঃ-আয় সি চিনেঃ ? আর আনি ছাড়া আবো চাষবাস হঁ-অ হুয়ো-অ তানা করে-এ । যত্ত টাগে আনি করা তাকা-এ। আলাঙা-আ যা হন , না-আই খাটা-আয়? মিঞে কামী গাম লাখানগে গামে-এ কাঞ দারি-ইঞ। না-আই জমে-এ চিকেতে এনেটা চিন্তা । পুড়া কেতেঃ যাহান কামী কু নামে-এ তো ভালি। বানখান আলাং অটো-অ চিমিন দিন।
কান্তিঃ- তাঁও হঁ-অ তানা। তবে লেলেম চিকেয়াম।
উমেশঃ- তবে আঙ্‌কিন অটো-অ খুশি-আ-কিন তো। আর যদি সারিগে খুশি-আ-কিন , তাহলে খুঃ গল্প আলো তাকা কিনাম। আর আলাং যা জাগারে-এ লাং , না-আ যেন আকিনা-আ লুতুর রেঃ কা সন-আ বানখান মুশকিল হুয়ো-আ। বিটি চিমতিঃ তে পুড়া দারি তেনে পুড়া-আ খায় দিলোং কায় দারি-আয় ইলোং ব্যাবস্থা হুয়ো-আ। বুঝঃ নাম কে-এম।
কান্তিঃ- হ্যাঁ , তাহলে এবার তেকেঃ আঙ্‌কিন কে লক্ষ্য হুয়ো-আ।
[ উডুং-এনাকিন ]

** মাতবে নিন্তিগে , পরের দৃশ্য লাতার রে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। পঞ্চম অঙ্ক ।। প্রথম দৃশ্য

=> বডেঃ - কডা গণনাট্য ।। পঞ্চম অঙ্ক ।। তৃতীয় দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। পঞ্চম অঙ্ক ।। প্রথম দৃশ্য

 বডেঃ - কডা গণনাট্য

[ পঞ্চম অঙ্ক ]

{ প্রথম দৃশ্য }

[ দীপু আর লিলি মিনি-আ কিণ ]

লিলিঃ- আমকে আয়মা দিন তেকেঃ মিঞে জাগার গাম বলে , গাম আর কাঞ দারিঃ মে তিনিঞ।
দীপুঃ- চিকেন জাগার , গাম ?
লিলিঃ- আচ্ছা! আনাটা বাদেম। গামেম তো , ইঞেঃ দাদা চিকেন তি আমকে রাগগে লেল মিয়ে ?
দীপুঃ- অ না-আ-টা। তবে আয়ুমেম , আমা-আ মাঞ তিকিন আলো গাম কিনাম।
লিলিঃ- তাই গে , কাঞ গাম কিনিঞ।
দীপুঃ- আমা-আ দাদা চুটি , গাঁজা , বডেঃ যত্ত গে নুয়ে শারিয়াম তো ?
লিলিঃ- আঁহা তো । অ... এনে তেগে মিসে খান চিঙকে গে শু-আনায়।
দীপুঃ- মিঃ দিন চিমিনটা গাঁতি কুড়া কুল-অ মিঞে বাগানরে সিগারেট নু-একু , চিনেঃকু জমে-একু। কাকু খেয়াল তি-ঈঞা। সেন পারম নিঞ। ইমতো লেলে তিঞাকু। নিয়ে পরের দিন এন্ডেগে বডেঃ নু তে-একু আর সাঃআ তিঞাকু। কুলিঞ তানাকু " অকয়কে গাম তে-এ কু-আম "। আমতিঃ তেকে গামকু তিনিঞ যাহায়কে কাঞ গাম। কাকু আয়ুমে-এ দাল লাগায় নাকু। ইঞ হঁ-অ রাগতে হানতে নাতে ঘুষি ভাড়াকে-এ কুঞ। সেই তেকেঃ ইঞকে রাগগে লিলিঞে।
লিলিঃ- অ নে-এ ব্যাপার। আলে-এ উরা-আ-রে আমা-আ খুঃগে হানা না-আ গামে-এ।
দীপুঃ- আর আম ?
লিলিঃ- ইঞ চিকেঞ। ইঞ আয়ুমে-এঞ আর চিন্তা-ইঞ। আমা-আ আংকা হন কিন্তু মিঃ দিন হঁ-অ আংকা কাঞ লেল। আর বাবা দ কায়গে বিশ্বাস গ-অয়। আচ্ছা , আর আমকি কাম দুতোম গ-অম ?
দীপুঃ- ইঞেঃ দুতোমরেন জাগার গামে-এম। ইঞে লাকা হতভাগা হনকে উকিটা ইরাহন ইমিয়াকু ? গাম !
লিলিঃ- চিকেন তি ?
দীপুঃ- চিকেন তি অটো-অ । ইঞে মাঞ বাবারেন ঠিক বা-আয় না। ইঞেঃ উরা-আ দুয়োর ঠিক বা-আয় না । জম নু রেন ঠিক বা-আয় না। তাহলে যাহায় কি নে-এ কষ্ট নাথাং ইরাহন এমকু-আ-কু?
লিলিঃ- যত্ত ঠিক গিয়া রে , যত্ত ঠিক গিয়া। শুধু মিঞে জিনিস ঠিক বা-আয় না। চিনেঃ বডেঃ ! বডেঃ উকিয়াঃ বহ-অ জমতে-এ আনিকে শেষ তর তি-ঈয়ে। আমা-আ উরা-আ-রে নে-এ হালটাগে হুয়ে কানা। তবে আমতো ঠিক গিয়াম। অকয়কে আগুয়াম আনি তো আমা-আ ল-অ ধান-আয়। তবে অসুবিধা কুথাং ?
দীপুঃ- হররেন সিদে নজর মাঞ বাবা , উরা-আ দুয়োর, লয়ঙ- বাড়্‌গি।
লিলিঃ- ঠিক গামতে-এম । আর আসল নজর হুয়ে না আমকে। শারিগে , আমা-আ মিঞে জীবনরে ইচ্ছা ধান-কানা পুড়ারেন, কিন্তু কা পুরণ না। ইঞ নাহা-আ বুঝঃ নামে-এঞ। তবে আম কাম পুড়া লাখান চিনেঃ চিকে কিয়াম, ভগমান গে সারিয়ায়। দীপু , আমকে অটো-অ মিঞে জাগার গামমে তিনিঞ ঝানা-আ কাম মনেয়াম তো ?
দীপুঃ- গাম চিকেন জাগার ?
লিলিঃ- ইঞ না আমকে খুঃ গে খুশি কিনিঞ । আমা-আ ল-অ দুতোমঞ। চিনেঃ গামে-এম ?
দীপুঃ- না-আ চিকেন জাগার গামিঞ তানাম। না-আ কা হুই দারি-আ । না-আ কুক্‌মু আলো লেলেয়াম ।
লিলিঃ- চিকেন নাতিঃ ?
দীপুঃ- লেলেম ইঞেঃ ঝানা-আ বা-আয় না। আর আম হুয়েনাম , মিঞে শিক্ষিত ইরাহন। আর ইঞ মূর্খ বাগাল । আমকে ইঞেঃ তিহিরে এমমিয়াকু , না-আটা বিশ্বাস কাঞ দারিঃ তিনিঞ।
লিলিঃ- ইঞ গামেঃ কিনিঞ নে-এ জাগার কু গে গামিঞাম । লেলেম আলে-এ লয়ং বাড়্‌গি মিনা-আ , আম না সেন লাখান ভালি কেতেঃ চাষ কা হুয়ো-আ। ইঞেঃ মাঞ বাবা আমা-আ মাঞ বাবা হেতেঃ ভালি দহন কেতেঃ হঁ-অ ইঞেঃ দাদারেন আঙ্কা হাল গামে-এম। আমা-আ মাঞ-বাবা চিঙকে আর আম চিঙকে। তাহলে গাম ইঞেটা চিকেনতিঃ কা হুই দারি-আ। ইঞ আমকে খুশি কিনিঞ রূপটা লেল কেতেঃ লহয়। আমা-আ কামী, গুন, স্বভাব দুলোড় যত্ত লেল কেতেঃ। ইঞেঃ মাঞ-বাবা যদি রাজি-আকিন তাহলে আম রাজি তো?
দীপুঃ-চিনেঃ গামিঞ। আম যখন নিকা জাগার গামে-এম তাহলে ইঞেঃ আপত্তি বা-আয় না।
[ উডুং-এনাকিন ]

** মাতবে নিন্তিগে , পরের দৃশ্য লাতার রে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। চতুর্থ অঙ্ক ।। পঞ্চম দৃশ্য

=> বডেঃ - কডা গণনাট্য ।। পঞ্চম অঙ্ক ।। দ্বিতীয় দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com