আষাঢ় বঙ্গা - কডা ছড়া দুরাং

আষাঢ় বঙ্গা 

সঞ্জীব সিং

আষাঢ় বঙ্গা 

সঞ্জীব সিং

আষাঢ় বঙ্গা ঝিটিক জাপুট
কাসাই নালা বুন্যা।
আঙ তরা মানমি ঝত
দুব কাকু তাহিনা।।
সেতাঃ রেগে ঝিপির ঝিপির
সারাদিন দাআ।
হনকুকু সেনা ছাতা কাতেন,
কাটকম সাআ।।
মারাং কুকু সেনা পাখিয়া কাতেন
তিহিরে জাল পাটা।
হাকু কাটকম সাবকুয়া
বাইদ গাডা গোটা।।
দাআ মা চেহেল চেপেল
রিবিল সুড়ু সুড়ু।
আষাঢ় বঙ্গারে কামিয়াকু ঝত
লসদরে উড়ু সুড়ু।।
জাপুদ জাপুদ জমগে সানা
আমড়ু মেসা কাটকম।
গাডাঘুটু বাইদরে তখন
মানমি রাআ গমসম।।
বাইদ সেরে সেরে,বাউন্ডা টেরে টেরে,
আষাঢ় বঙ্গা ঝিটিক জাপুদ,
গাডানালা তাহিনা বুন্যারে।।

অল সাপড়ারে

সঞ্জীব সিং
জাইতঃ- হাঁসদা
হাতুঃ-কোরকদা
পোঃ- আমদা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগার গ্রুপ
ThutiJagar.In
পলাশ মুদি ( এডিটিং)

হায়রে কোডা সমাজ - কডা ছড়া

হায়রে কোডা সমাজ

সঞ্জীব সিং   (D.ME) (Mechanical Engineer)

" হায়রে কোডা সমাজ "

যুগ যুগ পারোমেনা, দিশুম হড় কু পাল্টায়েনা,
কডা সমাজরে তাহিয়েনাবু,ষোলো আনারে আট আনা।
বীর তালারে সিংহ রাজা,সমাজ তালারে S.T,
এন্ডেরেহ কাবু বিদেয়াঃ, সমাজ রাআ খুঁটি।
কাটা তিহি হাসু গেয়া, পাহাড়-পর্বত দেজ তে,
ভারতরেবু তিঙ্গুয়া সমাজ, কডা থুতিজাগারতে।

" হায়রে কোডা সমাজ "

কডা থুতিবু বাগিলেখান, তিঙ্গুনাবু চিল্‌কাতে,
ডিস্‌কো DJ বু পাঞ্জায়তেনা,নাংরা-তুন্দাআ বাগি কাতে।
সারাক্ষণ কামিয়াবু, ঞেলেয়াবু TV সিরিয়াল,
সমাজরে তাহি কাতেৎ, হিড়িঞয়েৎ আবু সমাজ কালচার।

" হায়রে কডা সমাজ "

বিঞ দুকু বিষ গেয়া,বিঞ মধ্যেরে চিতি,

বির দিশুম বঙ্গা বুরু, আবুয়া সমাজ রাআ সংস্কৃতি।

বহঅ রাআ হুকা দাআ, জরয়াবু কাটারে,

সুখ-শান্তি বাগি কাতেৎ, তাহিনাবু দুঃখ রে।

" হায়রে কডা সমাজ "

কাবু তাহিনা দুঃখ-কষ্টরে , বাগিয়াবু লোভ-লালসা,

তাহিনাবু যত মিত্‌থানরে,বাগিয়াবু রাগ-হিংসা।

চিরগালয়াবু যত কডা, কাবু তাহিনা জাপিৎরে,

লাঢ়াই কাতেনবু তিঙ্গুয়া সমাজ, দিশুম তালারে।

হায়রে কোডা সমাজ

কডা ছড়া

অল দিশারেঃ-

সঞ্জীব সিং
জাইতঃ- হাঁসদা
হাতুঃ-কোরকদা
পোঃ- আমদা
থানাঃ- কেশিয়াড়ী
জেলাঃ- পশ্চিম মেদিনীপুর
ফেসবুক রে

সামাং আগুরেঃ-

থুতিজাগার গ্রুপ

ThutiJagar.In

পলাশ মুদি ( এডিটিং)