আদিবাসী কোড়া ছড়া - আমেম রাগাঞ তানা

Image :- Paresh Sing

হারায় নালাং গাতি গাতি
থুতি নাদা কুডাম সাতি
বেশগে বুঝাঃ কনা,
কাঞ সারিয়া চিয়াৎ তিহিঞ
আমেম রাগাঞ তানা
আমাঃ ঠাঞতেঞ সেনা চিন্তং
সাগিঞগেম সরাঃ তানা।

নাপাম থুতি হানে সিদা রাঃ
পাহাম হিজুঃ নিদা সিঙ্গি রাঃ
ইঞদঞ রুই কেনা আখড়ারে
আমেম এনেচ কেনাঃ মাড়াংরে।

গামাঞমে সিন নাহা চিয়াৎ
আমেম রাগাঞ তানা
কাঞ সারিয়া মনে মনেতে
কিনাম আসি কেনা।

সিবিল থুতি মুগুচ নাদা গাতি
বাগি কেৎআম চিয়াৎ
গামাঞমে সিন সারতি থুতি নাহা
ওগো ইঞাঃ প্রিয়া।

আরো দেখুনঃ-ককয় - আদিবাসী কডা ছড়া

অল সাপড়ারে

মোহন সিং
হাতুঃ-রাজাডাঙ্গা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগারগ্রুপ
ThutiJagar.In
পলাশ মুদি( এডিটিং)

লোখাঃ হারাঃ লেনাম || আদিবাসী কডা কবিতা

>

Image :- Paresh Sing

হুডিঞ হেতে হারায়নাম মাই
কোডা অড়াআরে,
কোডা থুতি কামাআ মেনতে
গংএনাম এটাআরে।

রাডিতেমা থুতি জাগার বেশগে বুঝায়াম
কডাতে থুতি গাম লেখান
মচাগে ফুলায়াম,
নান্তি কডা চেতানরে চিয়াৎ রাগাঃ তানাম।

হুডিঞ রেমা কডা অড়াআ রেগে
লোখাঃ হারাঃ লেনাম,
নিয়া থুতিটা চিয়াৎ আম
তিহিঞ লিড়িঞ কেৎআম।

তবে কী আমদ কডা জাতিরে
ভুলতে হিচ্‌ লেনাম,
হিচ্‌ লেনাম চিয়াৎ মাই
ইঞদ কাঞ সারিয়া।

আমাঃ মাই তামাআ রাআ জনম জাগার
তিহিঞ অকয় দকু সদরেয়া
গামাঞমে মাই গামাঞমে,
থুতি রাআ তেলা এমাঞমে
জনম মাই রাআ দায়া দরত
হায়রে চিয়াৎ লিড়িঞ কেৎআমে।

আরো দেখুনঃ-ককয় - আদিবাসী কডা ছড়া

অল সাপড়ারে

মোহন সিং
হাতুঃ-রাজাডাঙ্গা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগারগ্রুপ
ThutiJagar.In
পলাশ মুদি( এডিটিং)

আবুআ হুডিঞ হাতু || আদিবাসী কোড়া ছড়া

Image :- Paresh Sing

আবুআ হুডিঞ হাতু হুডিঞ হুডিঞ অড়াঃ
তাহিনাবু জতয়চ মেশা ,কাবু রাগাঃ,
হাতু রিনকু জতহন আবু বকবায়া
মিশাতেবু এনেয়চআ মিশাতেবু পড়াঃ।

হিংসা হিংসি অতা গপচ কাবু চেদআ
এঙ্গা আপু গুরু হড়কে জহারবু চেদ আ,
আবুআ হুডিঞ হাতু মাই রাআ সমান
আলো আর হয়ো তেদ বাঞ্চাঃ জাহান।

ডাঙ্গা পেরেচ হুড়ু অটঅ দাআ পেরেচ গাডা
চাঁডুউ রাআ তারাস তেদ ঝিলিমিলি আ গটা,
উল দারু মাৎ দারু কিতা দারু চিলকাঃ
মেশা কাতে গাতি গাতি তাহিনাকু পাহি লেকাঃ।

সেতাআরে জুলোয়ায় বেলা পুব দররে
অড়েকু রাআয়আ বাহা অটেচ জআ বাগান তালারে,
ভৌমরা জত হিজুয়াকু বাহা সৌয়ানতে
সুখ শান্তি হিজুআ তিহিঞ দিশুম তালাতে।

আরো দেখুনঃ- সুপারহিট ২০২২ || পাহাম রুয়াড়েম কডা অ্যালবাম - All Song + Ringtone

অল সাপড়ারে

মোহন সিং
হাতুঃ-রাজাডাঙ্গা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগারগ্রুপ
ThutiJagar.In
পলাশ মুদি( এডিটিং)

আবুআ দিশুম - আদিবাসী কোড়া কবিতা ছড়া

Image :- Paresh Sing

রিবিল চেতানরে ইপিল চাডুউ
দারু রেমা জঃ সেকাম মধু,
বনুম রেমাঃ নিদির হাসা
মেনাআ বুআ আলো আসা।

মচারেমা থুতিজাগার
কুড়াম রেমা দাড়ি হাজার হাজার,
দিশুম রেদ নানা জনম জাতি
গোটা তিহিন ছিতি বিতি।

দাঃআ তালারে উপাল বাহা
হিলাঃ টলো মলো
ইনা ভিতিরে বিঞ হাকু
নেলতে ঝলো মলো।

হরা চেতান গাডি ঘড়া
আড়াহা চেতান মানমী অড়াঃ,
নিয়া গেত দিশুম আবুআ
ভারত দিশুম জনম আবুআ।

আরো দেখুনঃ-ককয় - আদিবাসী কডা ছড়া

অল সাপড়ারে

যোহন সিং
হাতুঃ-রাজাডাঙ্গা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগারগ্রুপ
ThutiJagar.In
পলাশ মুদি( এডিটিং)

আদিবাসী কোড়া কবিতা " মকর বঙ্গা "

image :- Paresh Sing

মকর পরব বঙ্গা হুলাং
চিন্তি খুশি বুঝাঃ,
মকর রেমা পিঠা ডুবুউ
নাআ হানা ইসিন হুয়োআঃ ।

মকর মানে বঙ্গা বুরু
পাহাম রুয়াড় হুইয়োঃ,
মকর রেদ মুসিঞ হড় রাঃ নতুম তেগে
পিঠা কলাং চডর ভাড়া হুইয়োঃ।

মকর রেমাঃ জত কোডা জাতি রাঃ
দিশুম বঙ্গা হুইয়োঃ,
গরম ধরম অতে বঙ্গা নতুন তেগে
সিম সাডি পাঠা মাআ হুইয়োঃ।

সাপাড়া কাতে জত কোডা
মিদথাং রেকু হুডিয়া,
নাংরা দুমাং রু কাতে ইনা হুলাং
দিশুম ঠাকুর কেকু রাআই-য়া।

ইনা তেরাঃ মকর মকর বঙ্গা
বছর বছর পাহাম দহ হুইয়োঃ,
মুসিঞ হড়কে পাহাম কাতে
ডবঅ জহার রুয়াড় হুইয়োঃ।

আরো দেখুনঃ-ককয় - আদিবাসী কডা ছড়া

অল সাপড়ারে

যোহন সিং
হাতুঃ-রাজাডাঙ্গা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগারগ্রুপ
ThutiJagar.In
পলাশ মুদি( এডিটিং)

কডা কবিতা - গাতি

কডা কবিতা - গাতি

অলরেঃ- যোহন সিং ( রাজাডাঙ্গা)

গাতি মেনাআ কুয়া গাদা গাতি
গাতি কুডাম সাতি
দুঃখ বিপদরে বাগিমাকু
আঙ্কু চিকান গাতি।

টাকা পয়সা লোভ লালসা
মেনাআ যদি মনেরে
ইংকু গাতি থুতিয়াকু
সিবিল হেড়েম চেতানরে।

রাগ হিংসা মনেরে যদি
খারাপ কামি গামামায়
জুলোআ সেঙ্গেল কুড়ামরে দ
চেতানরে মুলুজ্‌ নাঁদামায়।

গাতি মেনাআ কুয়া গাদা গাতি
বুঝাআ কুঠিন শক্ত (কেটেজ্‌)
বুদ্ধি যত শকুনি লেকা
চেতানরে দ ভক্ত।
গাতি মেনাআ কুয়া গাদা গাতি
গাতি কুডাম সাতি
দুঃখ বিপদরে নেলমাকু অকয়
ইংকু আমাআ বুগিন গাতি।
জহার

আরো দেখুনঃ-ক্রিয়া (VERB) কামি

অল সাপড়ারে

যোহন সিং
হাতুঃ-রাজাডাঙ্গা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগারগ্রুপ
ThutiJagar.In
পলাশ মুদি( এডিটিং)

ককয় - আদিবাসী কডা ছড়া

image :- dibakar roy by Pexels

ইঞ দ মিয়াদ্‌ ককয়
ইঞকে নেলিঞাকু অকয়,
গামাঞাকু ইঞকে জতজ্‌ ভিকারী
ইঞদ তিহিঞ রেঙেজ রোগতে শিকারী।
আসিকুআঞ কাঞ নামেয়া হুডাং লেকা শাকরী।।

দিশুম দিশুম দাড়ানাঞ গামাঞাকু যাযাবর,
বাআয়না তিহিঞ ইঞা থির থাবর।
রেঙেজ জ্বালাতে গাদুর ভাড়াঞ
কাঞ নামেয়া মিয়াদ্‌ পাঁপর,
রাবাং রেয়াড়রে উয়ু কআঞ
অড়েজ ছেতেড়া চাদর।
নেল কুআঞ নাডে হাঁডে, গিডিয়াকু একেনাআ
মনেয়াঞ ইন্তং নিয়া হঁঅ যদি নাম কআ।
রেঙেজ জ্বালাটা তিহিঞ লাড়েজ্‌ কআ।
জহার

আরো দেখুনঃ-ক্রিয়া (VERB) কামি

অল সাপড়ারে

যোহন সিং
হাতুঃ-রাজাডাঙ্গা
থানাঃ- কেশিয়াড়ী
জেলাঃ- পশ্চিম মেদিনীপুর

সামাং আগুরেঃ-

থুতিজাগারগ্রুপ
ThutiJagar.In
পলাশ মুদি( এডিটিং)