বডেঃ - কডা গণনাট্য ।। চতুর্থ অঙ্ক ।। প্রথম দৃশ্য

 বডেঃ - কডা গণনাট্য

[ চতুর্থ অঙ্ক ]

{প্রথম দৃশ্য }

[ উমেশ , কান্তি রোবু আর লিলি মিনিয়াকু ]
অলকঃ- ( বাইরে তেকে-এ রা-আয় তেনে ) করে কাঃ ! উরা দিকে যাহায় মিনি-আপে সিঃ?
উমেশঃ- অকয় তেনে বাবু ? লেললিম সিঃ!
রোবুঃ- ( কয়-অ কেতেঃ ) দীপুরেন বাবাতে্‌ তেনে !
উমেশঃ- রা-ঈম নাতে।
রোবুঃ- দিলা নাতে উরা দিকে।
[ অলক বলয় নে ]
উমেশঃ- গাম চিঙকে ধানঃ কানাম ?
অলকঃ- ( বহ-অ গাদুর তে ) চিঙকে ধানঃ-ইঞ গাম। ইঙ্কাগে মোটামুটি ধানঃ কিনিঞ।
উমেশঃ- আর দিয়ে খবর চিনে গাম ?
অলকঃ- খবর চিনেঃ গামে-এঞ । গামে কিনিঞ হুডং টানাটানি চালা তানা তো। হুডং চাউলি পয়সা ইদিঞ হুলং।



উমেশঃ- আনা চাউলি পয়সা চাবা কে-এ পে ?
অলকঃ- চিকেন চাউলি পয়সা ?
উমেশঃ- আঁ কা ! দীপু ইদিকে-এ , দু কা !দশ কেজি চাউলি, বার দিন পর সাতশো টাকা। গামকে-এ , মাঞ রুয়োঃ তেনে।
অলকঃ- কি জানি তাম ! ইঞ হঁ-অ তো কাঞ সারিঞ। আর ইঞকে কাকিন হঁ-অ গামিঞ তানা। আঙ্কিন গে ইঙ্গা হন চিকে-এ-কিন ?
উমেশঃ- কি জানি , আপে-এ অটো-অ চিঙকে ব্যাপার । আমকে আউরি কাঞ গামমেঃ তিনিঞ।
কান্তিঃ- হ্যাঁ সারিগে ; দীপু সাতশো টাকা ইদি কে-এ। চাউলি ইদি কে-এ।
অলকঃ- মা ! তাহলে হুযু তিনিঞ।
উমেশঃ- থাম থাম , তিঙ্গুনমে। হি-এ নাম যখন একেন তিহি লুয়োরো-আম। বার সের লেকা চাউলি , পঞ্চাশ টাকা লাকা ইদি ধুরাম। ( কান্তি কে গামে তেনে) করে গো।না-আইকে চাউলি পয়সা এমতিম তো।
[ চাউলি পয়সা হাতা তেকেঃ অলক উডুং নে ]
কান্তিঃ- দীপু ইদি কে-এ চাউলি পয়সা ; আঙ্কাগে চাবাকে-এ কু। আয়া-আ বাবাতেঃ অটো-অ ইদি হি-এ কেনে। কি জানি, জমে-একু সি চিকে-একু।
উমেশঃ- ইঞ হঁ-অ তো এনেটাগে চিন্তা তিনিঞ।আমটি পয়সা চিকে কে-একু?
রোবুঃ- ইঞ চিনেঃ গামপে কিনিঞ ! আনি ভালি হন লহয় তেনে। আনা পয়সা আনি আয়া-আ ধানদারে খরচা তে-এ। আনি চিকেন হন যাহায় কাপে সারিয়া।
উমেশঃ- ব্যাস ব্যাস ! বাগিই পে। খাতাটা লেল হুয়ো-আ , চিমতি পয়সা হাতা হুয়েনা। বাড়তি পয়সা এম লাখান কা হুয়ো-আ।
[ ঝতয়ঃ উডুং-এ-নাকু ]

** মাতবে নিন্তিগে , পরের দৃশ্য লাতার হেতেন নেল নামেয়াপে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। তৃতীয় অঙ্ক ।। পঞ্চম দৃশ্য

=> বডেঃ - কডা গণনাট্য ।। চতুর্থ অঙ্ক ।। দ্বিতীয় দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। চতুর্থ অঙ্ক ।। দ্বিতীয় দৃশ্য

 বডেঃ - কডা গণনাট্য

[ চতুর্থ অঙ্ক ]

{ দ্বিতীয় দৃশ্য }

[ দীপু অলককে সাঃ সাঃ তে ইদিতেনে । অলক নু বুলেঃ কেনে ঢুস্মো তেনে ]
দীপুঃ- নাতে দিলা গো বাবা , নাতে দিলা।
অলকঃ- কদের সনঞ কা। কদের ইদিকু তানাম। বাগিঞমে দ-অ ঠিকগে সন-ইঞ।
দীপুঃ- আমতি বডেঃ নু রেন চিকেন দরকার আঁ। উরা-আ-রে আগু কেতেঃ নু কা হুয়োতানা। নু কেতে হুরা টেরে গিতিঃ কানাম। গাডিতে তেন লাখান ! চিনে হুয়ো-আ হুলোং গাম তো ? আম দ হর দ লহয় তানাম। হর দ-অন লাখান বুঝঃ ক-অম হুলোং। দিনম হুলোং কা গাম হুয়ো-আ হুলোং। আর পয়সা কুথাং নাম কে-এম , বডে নু কে-এম। সি অটো-অ ধার কে-এম?
[ লিলি বলয় নে , মিঞে থলি সাঃ কেতেঃ ]
লিলিঃ- ( পারম-অ তেনে, নিজে মনেরে গামে তেনে ) দিপু আর বাবাতেঃ মনে হুয়োতানা ! হ্যাঁ , আকিন গে তানা কিন। বার হরগে বডে নু তে-এ কিন সি চিনেঃ ? ( ভালি কেতেঃ লেল কেতেঃ ) আঁ হাঁ , তো বাবাতেঃ নু তে-এ। দীপু সা-আ ল-অ ইদিতেনে।



দীপুঃ- নাতে হুযুম গো , নাতে। লেলেম নাতে গাডাঃ মিনা-আ।
অলকঃ- কদের কা বাবু , কাং লেল নামে-এঞ।
দিপুঃ- নাতে দিলা , নাতে।
অলকঃ- বেই বেইতে দ কা বাবু। তাড়াতাড়ি সেন কাঞ দারিঃ তিনিঞ। ভালি কেতেঃ লেল কাং নামে-এঞ।
দীপুঃ- অটো-অ নু-ইয়াম । তাহলে ভালি কেতেঃ লেল নামেয়াম হাঁ। ধন্য হর তানাম। আমা-আ লাকা হর দুনিয়ারে বা-আই নাকু।
[ উডুং-এনাকিন ]
লিলিঃ- ( মনে মনে ) তাহলে দীপু সারিগে বডে কায় নুয়ে মনে হয়। বাংখান বার হরগে তো নু কিয়াকিন হুলোং। নিকা সা-আ ইদি-ই তেনে হুড়ারে চিমতিঃ হর লিলিই তানাকু, চিমতি লাজা(গিয়ু-উ) আটকারা , তাও হঁ-অ চিমতিঃ সয্যোঃ কেতে মিনি-ই। আনা হঁ-অ মিঃ দিন লহয় , দিনম দিনম গে। ইঞ মাঞ-বাবা নাকা খান মিঃ মিনিট কাঞ দনঞ হুলোং মনে হয়। নে-এ জাগারগে দীপু গাম লাখান লাঁদা কেতেঃ পারম তা-ইঞ হুলোং। কিন্তু নাহা-আ যা লেলে-এঞ লাঁদারেন জাগার লহয়। সারিগে! আয়া-আ যদি ইঞেঃ লাকা অবস্থা দহন লাকান , আয়মা চেঃ ক-অয় কিয়ে আরফ ইঞে যত্ত দহন তেকে কাঞ দারিতে-এঞ।
[ উডুং নে ]

** মাতবে নিন্তিগে , পরের দৃশ্য লাতাররে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। চতুর্থ অঙ্ক ।। প্রথম দৃশ্য

=> বডেঃ - কডা গণনাট্য ।। চতুর্থ অঙ্ক ।।তৃতীয় দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। তৃতীয় অঙ্ক ।। পঞ্চম দৃশ্য

 বডেঃ - কডা গণনাট্য

[ তৃতীয় অংক ]

{পঞ্চম দৃশ্য }

[ কান্তি আর লিলি গল্প-একিন, মিঞে ব্যাগ মিনা-আ ]

লিলিঃ- মাঞগো, দীপু মনে হয় বডেঃ নুয়ে! বুঝাইনাম। হুলা ইঞ ইস্কুল হেতেঃ উড়া-আ হিযুঃগান দীপুকে লেল কি-ঈঞ। বডেঃ দুকান দর হেতেঃ হুযু-উ কেনে।
কান্তিঃ- কি জানি গে। বডে নু তো যাহা চিলং কা লেলেকানা। পাশেঃ( পাছেঃ ) নাহা-আ উকু-উকুতে নু ভাড়ায়ে।
লিলিঃ- দীপুকে কুলিয় কিনিঞ "উকাতে সেন নানাম ?" কায়গে পাতিয়া-আ তেনে। প্রায়গে নুয়ে মনেহয়। ধার-ফার ধানঃকানা মনে হয় আর দিয়ে রুয়োঃ নুতুম তে পয়সাকু ইদি কে-এ।
কান্তিঃ- তা হুই দাড়ি-আ।
লিলিঃ- আচ্ছা!! মাঞ আয়া-আ বাবাতেঃ কুঠিন বডেঃ নুয়ে ?
কান্তিঃ- তাই গত গামেয়ে । যা নামেয়ে, চাউলি মাউলি আখরিং কেতেঃ হঁ-অ বডেঃ নুয়ে।
লিলিঃ- বাব্‌রে ! তাহলে না-আই হঁ-অ মনে হয় ইঙ্কা গে হুয়ো-আয়। বাবা মাতাল গিয়ে তো হন চিঙকে হুয়ো-আয়। ( হট-অ টেরে চাপু কেতেঃ মালাটা দিশে কে-এ ) মাঞ গে চিকেই না ?
কান্তিঃ- চিকেঃ তানাম গে ?
লিলিঃ- ( বহ-অ গাদুর কেতেঃ ) নে-এ মালাটা কুথাং দহ কে-এঞ ?
কান্তিঃ- লেলেম! আম, হঁ-অ দহ আয়ঃতাম হাঁ। রূপোরেন মালাটা চিন্তি-ই দাম সারিয়াম তো ? লেলেম ভালি কেতেঃ। বেলা চাবাই না, মাঁডি উতু লাদি-লেঞ।
[ উডুং নে ]
[ লিলি ব্যাগরে পাঞ্জা ভাড়া-এ ]



লিলিঃ- কুথাং দহ চিকেই না? হলেঃ কেতেঃ তো কাঞ দহ। বুজুরগে জাহাথাংরে বুজুর তে-এঞ। হুলা ইস্কুল সেন বেতেরাং ধানঃকানা। তারপর ইস্কুল রে মিঃ হরারে যাহাথাংগে বুজুরা কানা। আচ্ছা দীপুকে মিসে কুলি হুয়ো-আ, আয়তও এনে হুরারে সন-অ কেনে নামখান নাম দাড়ি-আয়।
[ দীপু বলয় নে ]
দীপুঃ- এই আম চিনেঃ চিকে-এম ?
লিলিঃ- ঠিক সময় রেগে হি-এ কানাম। আচ্ছা হুলা মিঞে জিনিস নাম তে-এম?
দীপুঃ- চিকেন জিনিস ?
লিলিঃ- রুপোরেন মালাটা , কুথাং আয়ঃকে-এঞ?
দীপুঃ- ঈশ্‌ ! যত্ত সর্বনাশ চাবাতে-এম।
লিলিঃ- গাম মালা নাম তে-এম সি কাম ?
দীপুঃ- ইঞ দ ইটা-আ জিনিশ নাম তে-এঞ। না-আই নাকা ( তিহি ল-অ বোতল উদু-উ কেতেঃ ) বুঝঃ নাম কে-এম ? নু নু ল-অ হি-এ নিঞ। নিদে যা যাপিঃ হুয়ে না নাঃ।
লিলিঃ- আমা-আ সব সময় ইয়ার্কি। সারিগে, গাম মালা নাম তে-এম সি কাম ?
দীপুঃ- কুথাং দহ লিড়িং তে-এম সি চিকে তে-এম ভালি কেতেঃ লেল কে-এম !
লিলিঃ- ইঞ হলেঃ কেতেঃ কাঞ দহ ইঞেঃ হট-অ রেগে ধানঃকানা। ইস্কুলরে সি তালা হুরারে নুর কে-এঞ,বুঝঃ কাঞ নামে-এঞ।তিহিন মাঞ থাং দ এগের জম হুয়োঃ গিয়া।
দীপুঃ- শুধু এগের জমেয়াম তো, আনা ঠিক পারম তিয়াম হাঁ। দাল তো কাম জমেয়াম ? দাল জম লাখান হড়মোকু হাসু মিয়া হুলোং, কষ্ট হুয়ো-আ হুলোং। তাইতো ।
লিলিঃ- ইঞ এগের জমিঞ আর আমা-আ কুঠিন মজা হুয়ো-আ কা ?
দীপুঃ- ইঞে তো রোজ মজা হুয়োঃতানা। কাম সারিয়াম ?
[দীপু মালাটা পকেট হেতেঃ উডুং এম কি-ঈয়ে, নেয়েটা তানা লেল্‌লেম ]
লিলিঃ- (সাঃ কেতেঃ)নেল্‌লেঞ ,কুথাং ধানঃকানা ? হ্যাঁ টাগে তানা ।নাম তে-এম আর গাম সামিঞ তানাম।সারিগে! বাঞ্চাকি-ঈঞাম।
দীপুঃ- মজা লেলেঃ কিনিঞ। ভালিগে লেল কি-ঈঞ ।নিকাগে মাঝে মাঝে মজা লেল নামো-আ তবে তো।
লিলিঃ- মজা লেলেয়াম তো। আম কুঠিন ইয়ে গিয়াম।বেশ, গাম চিমতিঃ পয়সা হাতায়াআম ?

** মাতবে নিন্তিগে , পরের দৃশ্য লাতার হেতেন নেল নামেয়াপে। ।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। তৃতীয় অঙ্ক ।। চতুর্থ দৃশ্য

=> বডেঃ - কডা গণনাট্য ।। চতুর্থ অঙ্ক ।। প্রথম দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। তৃতীয় অঙ্ক ।। চতুর্থ দৃশ্য

 বডেঃ - কডা গণনাট্য

[ তৃতীয় অংক ]

{তৃতীয় দৃশ্য }

[ লিলি ব্যাগ গ-অ কেতেঃ পারম-অ তেনে আর দীপু উলটো দর হেতেঃ হুযুতেনে ]
লিলিঃ- এই নাতে উকাতে সেন নানাম। আঁ!
দীপুঃ- আম উকাতে সেন নানাম ?
লিলিঃ- ইঞ দ ইঞেঃ কামী সেন নিনিঞ।
দীপুঃ- ইঞ হঁ-অ ইঞে কামী সেন নিনিঞ।
লিলিঃ- আমা-আ দ নাতে অটো-অ চিকেন কামী ? বডেঃ দুকান দর ? অ নাহা-আ বুঝঃনাম তে-এঞ, সে হুলোং পয়সা আগুতে-এম তো নাহা-আ আনতে কামী সেন-আম।
দীপুঃ- আম যত্ত বুঝঃ নামেয়াম। জ্যোতিষী তানাম না ।
লিলিঃ- আমা-আ না , সবসময় ইয়ে জাগার। সারি জাগারটা গাম লাখানগে হুয়ে না। যে নু সেন নিনিঞ।
দীপুঃ- হ্যাঁ হ্যাঁ নু সেন নিনিঞ । হুয়ে কানা তো ? যত্ত আমকে গাম হুয়ো-আ সি চিনেঃ।



লিলিঃ- তো কুলি লাখান কাম গাম কুয়াম ?
দীপুঃ- ইঞে জাগার তো কাম বিশ্বাস গ-অম। তাহলে আয়ুম কেতেঃ বা চিকেয়াম। দু দু সন-অম দু।
লিলিঃ- বিশ্বাস লাকা জাগার গাম লাখান তো বিশ্বাস গ-অঞ। ( মালাটা বুজুরেনা) সেন লগঞ গাঁ। আমা-আ ল-অ বুকা লাখান কা হুয়ো-আ।
[ উডুং নে ]
দীপুঃ- দু সন-অম দু। ইঞেঃ যা হুয়োঃতানা ইঞ বুঝঃ নামে-এঞ। আমা-আ দ চিনেঃ। জমে এম নু এম , ফুর্তিরে মিনি-আম। ( সেন-অ ল-অ মালাটা নেল নাম কে-এ) ইস্‌ শালা ,মালা! ঠিক মনে হয় আয়া-আ গে তানা। নাহা-আ ধানঃখা-আ ইঞেঃ হান্ডে গে।
[ উডুং নে ]

** মাতবে নিন্তিগে , পরের দৃশ্য জলদিগে আগুসেটেরেয়ালে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। তৃতীয় অঙ্ক ।। তৃতীয় দৃশ্য

=> বডেঃ - কডা গণনাট্য ।। তৃতীয় অঙ্ক ।। পঞ্চম দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। তৃতীয় অঙ্ক ।। তৃতীয় দৃশ্য

 বডেঃ - কডা গণনাট্য

[ তৃতীয় অংক ]

{তৃতীয় দৃশ্য }

[ দীপু বলয় নে ]
দীপুঃ- ( নিজেগে মনের দুঃখতে গামে-এ) উঃ...! হায়রে ভগবান, ইঞেঃ মলঙরে শুধু কষ্ট গে মিনা-আ। ইতিঃ তরাং হঁ-অ সুখ বা-আয়-না। আমতিঃ কামী তেকেঃ হঁ-অ তিহিন ঝানা-আ বা-আয়-না। আমতি কষ্ট তেকেঃ সুখ বা-আয়-না। ইঞে জীবনটা কি নিকাগে পারম-আ ? নে-এ টাগে ইঞে মলংরে অল গিয়া। যা কামি-এঞ যত্ত বডেঃ রে সেন চাবা-আ তানা। বুগিন ঝানা-আ জমেঞ সি বুগিন জামা প্যান হাতাঞ সি বুগিন দন-ইঞ তাঁও হঁ-অ কা হুয়ো তানা।জীবনরে নে-এ তেকেঃ অটো-অ চিনেঃ খারাপ হুই দাড়ি-আ। ভগমান ইঞে গামিঞমে,ভগমান ইঞে গামিঞমে। বডেঃ বডেঃ যত্ত বডেঃ চাবা কে-এ জীবনটা। বডেঃগে লয়ং বাগি উড়া-আ দুয়োর , ইঞেঃ ভবিষ্যৎ যত্ত আয়ঃ চাবাতে-এ। ইঞকে হর হুই সেন লাখান, নি-ঈঃ বডেঃকে গে অচ-অ হুয়ো-আ। বডেঃ কে গে অচ-অ হুয়ো-আ।

** মাতবে নিন্তিগে , পরের দৃশ্য লাতাররে ।

আরো পড়ুন - Adibasi koda new mp3 song download 2020

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। তৃতীয় অঙ্ক ।। দ্বিতীয় দৃশ্য

=> বডেঃ - কডা গণনাট্য ।। তৃতীয় অঙ্ক ।। চতুর্থ দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। তৃতীয় অঙ্ক ।। দ্বিতীয় দৃশ্য

 বডেঃ - কডা গণনাট্য

[ তৃতীয় অংক ]

{দ্বিতীয় দৃশ্য }

[ ঘেটু দু-এ কেনে, হেদেরে চিমিনটা বোতল দহ গিয়া ]

[ দীপু বলয় নে ]
দীপুঃ- হুলা আম আলে-এ উড়া-আ সেন নানাম ?
ঘেটুঃ- হ্যাঁ হ্যাঁ, সেন নিনিঞ। এনে দ পয়সা নাথাং। বাবারেন তো আয়মা ধার হুয়ে না। তাই গামেঃ কিনিঞ হুডং এম লাখান ভালি হুয় ক-অ। বাংখান ইঞেঃ চিকেতে চালা-আ ? গাম।
দীপুঃ- চিমতিঃ ধার হুয়ে কানা?
ঘেটুঃ- এনে দ সাড়ে পাঁচশো টাকা লাকা।আর দিয়ে পয়সা আম এমেয়াম ?
দীপুঃ- ( পকেট তেকে উডুং এম কি-ঈয়ে) না-আঈ লিখাম। ঠিক মিনা-আ সি?
ঘেটুঃ- (লিখা কেতেঃ ) ঠিক গে মিনা-আ । টাকাটা এমকি-ঈঞাম কুঠিন ভালি হুয়ে না। যদি বডেঃ ফডে লাগা-আ তো ইদিয়াম ঝানা-আ অসুবিধা কা হুয়ো-আ। আর নাহা-আ হুডং বার কাপ এম-মিঞ সি ? না-আ টেরেন পয়সাকা লাগা-আ।
দীপুঃ- থিরম শালা ! ফ্রি উদু-উ-কু তানাম ? গাপা হেতেঃ বাবাকে কুল তি-ঈঞ হাঁ। দিনম হুলং ফ্রিতে ইমিয়াম হাঁ।
ঘেটুঃ- দিনম হুলং কি এম জুতো-আ ? নাহা-আ পয়সাটা এম শোধ কে-এম, খুশি মনতে এম-মেঃ তিনিঞ।
দীপুঃ- এই ! জাগারটা ভালি কেতেঃ আয়ুমেম। নে-এ পয়সা এম শোধ কে-এঞ। বাবা যেন , নে-এ জাগার সারি কায় নামেয়ে।এবার তেকে-এ বাবা পয়সা ল-অ বডেঃ নু হুযু-আয় তো বডেঃ ইমিয়াম বাংখান আলো ইমিয়াম। আর যদি মিঃ টাকা হঁ-অ ধার আয়ুম তে-এঞ, তো আমা-আ ইঙ্‌কা ব্যবস্থা হাতাঞ। গাম দহ কে-এ মিঞ।



ঘেটুঃ- অকয় নু হড় তানাকু, হুডং না নু লাখান দহন দাড়ি-আকু কা ?
দীপুঃ- অকয় দহন দাড়ি-আকু সি কাকু দাড়ি-আ সেটা আমকে লেল কা হুয়ো-আ। আমতো পয়সা লেল কেতেঃ বডেঃ এম কুয়াম,কষ্ট লেল কেতেঃ তো লহয়।আর নাহা-আ কষ্ট লেল নামে-এম, মাতাল কু রেন কষ্ট। উড়া-আ রেন সর্বনাশ তেকে-এ যে টাকাটা জোগাড়ে-এ-কু মাতাল্কু। আঙ্কো উড়া-আ রেন কষ্টটা কাম লেল নামে-এম। আর লেলরেন দরকার হঁ-অ বা-আয় না। এমনি রেগে উকু উকুতেগে বডেঃ আখ্‌রিঙে-এম। নে-এ জাগারটা চিমতো থানারে সন-আ ইমতো বুঝা নামেয়াম। উকিয়া কষ্ট লেল রেন দরকার মিনা-আ আর উকিয়া বা-আয় না ।
ঘেটুঃ- না কা বাবু না, না-আ টা আলো করায়াম, আমকে জোহারমে তিনিঞ। আমা-আ জাগার মতো করায়িঞ।

[ যতয়ঃ সেনেএ নাকু ]

** মাতবে নিন্তিগে , পরের দৃশ্য লাতার হেতেঃ নেল নামেয়াপে।

বেশি দেখা ঃ- জিজ্ঞাস্য শব্দ - কুলি জাগার

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। তৃতীয় অঙ্ক ।। প্রথম দৃশ্য

=> বডেঃ - কডা গণনাট্য ।। তৃতীয় অঙ্ক ।। তৃতীয় দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। তৃতীয় অঙ্ক ।। প্রথম দৃশ্য

 বডেঃ - কডা গণনাট্য

[ তৃতীয় অংক ]

{ প্রথম দৃশ্য }

[ উমেশ , কান্তি, রোবু, লিলি দু-এ কানাকু গল্প-একু ]

[ দীপু বলয় তেনে ]

দীপুঃ- কাকা, ইঞকে তিহিন সাতশো টাকা পয়সা দা।
উমেশঃ- চিকেয়াম কা ? সাতশো টাকা পয়সা।
দীপুঃ- (বহ-অ গাদুর কেতেঃ) মাঞ রুয়োঃ তেনে। অটো-অ হানা না-আ খরচা লাগা-আ। একেবারে পয়সা ব-আয় না।
উমেশঃ- ( বিরিঃ কেতেঃ) না-আই লেম! পয়সা আউরিগে নাতে হানতে আলো খরচায়াম। সিদেঃ মাঞরেন রানু আগুম, মাঞ বুগিঃ কায়। তারপর চিনেঃ লাগা-আ, হাতায়াম। বুঝইনাম।
দীপুঃ- আচ্ছা ঠিক গেয়া।
[ পয়সা উডুং এম-কি-ইয়ে ]
কাকা! চিমতি পয়সা হাতা হুয়োতানা আর চিমতি নামেঙ হিসেব তেকেঃ মিসে গামিঞাম তো। বেশ হুযু তিনিঞ।
উমেশঃ- হ্যাঁ হুযুঃমে।
রোবুঃ- বাবা বুঝাইনাম, আনি মনে হয় পয়সা যাহা চিকেয়ে। আউরিগে রুয়োঃ হানা না-আ নুতুম-তে ইদি-এ। গাতি কুড়া কুলোঃ বডেঃ ফডে নুয়াকু ফুর্তিয়াকু মনেহয়।
উমেশঃ- হাট! আনি বডেঃ কায় নু ভাড়ায়ে। আর আউরিগে রুয়োঃ নুতুমতে পয়সা আসিঞে।
রোবুঃ- তাহলে আম কাম সারিয়াম। আমা-আ সামাংরে কি বডেঃ নুয়ে। উকু-উকুতে নুয়ে। আম মনে-এম কুঠিন ভালি হন। আনি চিকেন হন, একমাত্র ইঞ শারি-ইঞ।



উমেশঃ- কি জানি। যাহা চিকেই গিয়েই তাম। আয়া-আ কামী পয়সা এমেনা। এবার আয়ঃ যাহা চিকেয়ে, বুঝা-আ-কায়।
কান্তিঃ- শি নাতে মনে হয় কা কামিয়ে ? এনেতে যত্ত পয়সা কু ঈদই চাবা-এ।
উমেশঃ- আপে-এ যত্ত গে মনেদ হুয়ো-আ, খারাপ স্বভাব তো মিঃ দিন হঁ-অ কাঞ লেল কে-এঞ। ইঞেঃ বিশ্বাস কা হুয়ো তানা। বেশ,বেশ আনাসব জাগার বাগি-ই পে তো। জাহান হনগে তানায়।

[ যতয়ঃ সেনেএ নাকু ]

** মাতবে নিন্তিগে , পরের দৃশ্য জলদিগে আগুসেটেরেয়ালে।

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।

** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

<= বডেঃ - কডা গণনাট্য ।। দ্বিতীয় অংক ।। চতুর্থ দৃশ্য

=> বডেঃ - কডা গণনাট্য ।। তৃতীয় অঙ্ক ।। দ্বিতীয় দৃশ্য

** অল সেকাম কুল রাআ ঠিকানাঃ-
    ফেসবুক ঃ- ফেসবুক গ্রুপ
    সাইট ম্যানেজার ঃ- Palash.Mudi (ফেসবুক লিঙ্ক)
                                    8918873621 ( হোয়াট্‌স অ্যাপ ও ফোন )
    ইমেইল ঃ- Rhtmudi@gmail.com

বডেঃ - কডা গণনাট্য ।। দ্বিতীয় অংক ।। তৃতীয় দৃশ্য

সবাইকে ধন্যবাদ আমার এই ব্লগকে সমর্থন ও এই ব্লগে আসার জন্য। আশা রাখছি আপনারা আমার এই ব্লগকে মনে রেখেছেন। আপনি এই ব্লগ থেকে কোড়া ভাষার সম্বন্ধে , কোড়া ভাষা শিক্ষা , বিভিন্ন কোড়া আদিবাসি গান বা কোড়া জনজাতির সম্বন্ধে বহু লেখা পাবেন। এই সমস্ত নতুন পোষ্ট আপনার Email-এ সরাসরি পাওয়ার জন্য Email signup করতে পারেন অথবা নিচ থেকে এই blog-কে Follow করতে পারেন।

বডেঃ - কডা গণনাট্য

[ দ্বিতীয় অংক ]
{ তৃতীয় দৃশ্য }

[ লিলি বই পুঢ়াতেনে, হেদেরে চিমিনটা বই দহ গিয়া। আর দীপু মিঃ হেদেরে বুসুঃ বায়র পাকা-এ ]

লিলিঃ- ( বই পুঢ়াকেনে, বইটা গুটিয়ে কেতে-এ অটোঃঅ মিঞে বই পাঞাঃএ) ইতিহাস বইটা চিকেই না! নেন্‌ডেগে ধানঃকানা সিঃ যাহায় ঈদই কে-এ কু। অকয় ইদিয়াকু ? দীপু, এ দীপু...।
দীপুঃ- ( হেদেরে সেন কেতে-এ ) চিকেই না ?
লিলিঃ- নেন্‌ডে তেকে-এ জাহান বই ইদি-ভাড়া তে-এম। মিঞে বই কাং নামে-এঞ।
দীপুঃ- ইঞ দ আমা বই ইদি কেতেঃ চিকেঞ ? ইঞ কি পুঢ়াঃ তিনিঞ সি ? আমা-আ দাদা (হাগাম) কায় ইদি মান তে-এ তো ?
লিলিঃ- আঁ হাঁ !

দীপুঃ- তাহলে এনে করেগে মিনা-আ। পাঞ্জাম ভালি কেতেঃ।
( দীপু হঁ-অ পাঞ্জা লাগায়-নে, মিঃ হেদেরে ধানঃকানা, সাঁঃ উডুং কেতেঃ) নে-এটা তানা ?
লিলিঃ- নেল্‌-লেঞ ! ( সা-আ কেতেঃ) হ্যাঁ হ্যাঁ! নে-এটা-গে তানা। ইনাক তেকেঃ পাঞ্জা-এঞ , কাঞ নামে-এঞ।
(বইটা উটা-আ কেতেঃ পুড়া লাগায়নে। দীপু হঁ-অ মিঞে বই সাঃআ কেতেঃ উটা-আ উটা-আ তে লেলে-এ ...মিঃ ঘাড়ি তায়ম...)
এই সন-অম দু আমা-আ কামী লেলেম।
দীপুঃ- হ্যাঁ! সন-অ তানিঞ হাঁ। ইঞে হ পুড়াঃ-রে খুঃ-গে ইচ্ছে ধানঃকানা, কিন্তু ভাগ্যরে বা-আয়না।

লিলিঃ- চিনেঃ পুড়াঃরেন অট-অ ভাগ্য চাই সি ? উকিয়া (অকয় রা-আ) পুড়াঃরেন মন ধানো-আ , আংকো ঠিকগে পুড়াঃ-আকু। কামী কামী তে আরিশগে(আড়িশগে) আটকার-এম। আর নাহা-আ বলে গামে-এম "পুড়াঃ সানিঞ তানা" । কাঞ বুঝ নামে-এঞ।
দীপুঃ- না না , আনা লহয়।
লিলিঃ- তাহলে, চিনেঃ ? প্রাইমারী ইশকুলরে কাকু ভর্তি।
দীপুঃ- হ্যাঁ!
লিলিঃ- তাহলে বাগি কে-এম চিকেন নাতিঃ ? পুড়াঃতে ভালি কা আট্‌কার-অ কানা ? ইশকুল সেন-অ-তে ইজেম উডুং-অ কানা, এইতো।

দীপুঃ- ইঞে জাগারটা সিদে আয়ুমেম তারপর গামিঞাম। আম যা ভাবাঃ তানাম তা লহয়। ইঞে যা অবস্থা ধানঃকানা আম দহন লাখান গয়ঃ তোরো-আম হুলং। ঠিক তেকেঃ বার বেলা বার মুঠা জম কাঞ নামেঃ-কিনিঞ। তারপর না জম তেকেঃ হঁ। হুডং সুখতে তে গিতি-আম, তাঁও হঁ-অ বা-আয় না। সেই বাবা বডেঃ নু কেতেঃ হুযু-আয় আর দিনম হুলং নিয়েই অশান্তি তো লাগাগে মিনা-আ। ইঞকে ইশকুলরে ভর্তি কিঃঈঞা-কিন, পুড়াঃ কিনিঞ ভালি গে। কিন্তু নিকা জ্বলন রে কি পুড়াঃ সানামিয়া। তাঁও হঁ-অ আয়মা চেষ্টা লে-এঞ । কিন্তু কাঞ সারিকে-এঞ। বার মুঠো মাঁডি নাথাং কামী সেন হুয়োঃকানা। তো তিহিন হঁ-অ কামী রেগে দিন পারোম-অ তানা। ঘুরো তেকেঃ অটো-অ পুড়াঃ দিকে কয়-অ কাঞ দাড়িকে-এঞ, ইঞে ইচ্ছেটা কা পুরন না।
লিলিঃ- কি জানি , সারি সি আউরি (পেন্দ্‌লা) গামে-এম , না লেল লাখান চিকেতে বিশ্বাস গ-অঞ। নাহা-আ তো আয়মা বকম ভেক হঁ-অ উদু-উ দাড়ি-আম।
দীপুঃ-বিশ্বাস গঃ-অম সি কাম, সেটা আমা-আ ব্যাপার। ইঞেঃ সারি জাগারটা গাম কে-এ মিঞ । মা হুযু-উ তিনিঞ।

[ দীপু উডুং নে, রোবু বলয় নে ]
রোবুঃ- ( দীপুকে রাগগে কয়-অ কেতেঃ বলতেনে) বুনু চিনেঃ গামমে তেনে দীপুটা ?
লিলিঃ- আনিরেন জাগারগে বাদ্‌তাম। ইনাং তেকেঃ আউরিগে (আয়ঃগে) বুকা লাগা কেনে।
রোবুঃ- কাম সারিয়াম, হনটা কায় ভালি গিয়ে। স্বভাব খারাপ গিয়া। হুডং সাবধান কেতেঃ ধানঃআম। আর যদি উলটা পালটা আরম্ভয়ে তো ইঞকে গামিঞাম। আনিকে সজ্জে তরিঞ।
[ উডুং নে ]
লিলিঃ- ( মনে মনে ) হাঁ ! হনটা কায় ভালি গিয়ে , স্বভাব খারাপ গিয়া। ইঞকে তাহলে হানা না-আ বুঝঃ তেকেঃ ভুলোরেন চেস্টা-এ।নাহা-আ বুঝঃ নাম কে-এঞ । এবার তেকেঃ ইঞকে সাবধান কেতেঃ দহন হুয়ো-আ।[ যতয়ঃ সেনেএ নাকু ]
** মাতবে নিন্তিগে ,পরের দৃশ্য জলদিগে আগুসেটেরেয়ালে।

আরো পড়ুন -Adibasi koda new mp3 song download 2020

আপডেট নাম নাতিরাং লাতার হেতেঃ সোশাল পেজ ফোলো করা দহয়পে।
** আপে ঝত কডাকে আলেএ নিয়া থুতিজাগার গ্রুপরে হিঃ সেটের নাতিরাং গাদা গাদা জোহার আর সারহাও । মা তবে নেকাগে আবুআ কডা সমাজ মাড়াঙ ইদিঃ কাআ এনাতে আপে হঁঅ যুদি জাহানাআ অল সেকাম কুল সানাপেয়া আলেএ হান্ডে কুলেপে । তবে তো ঝত মানমি-হড়কু সারিই আকু আবুআ জাগার,আচার-ব্যাভার আবুআ তাড়ম হরা।

** অল সেকাম কুল রাআ ঠিকানাঃ-
ফেসবুকঃ-ফেসবুক গ্রুপ
সাইট ম্যানেজারঃ- Palash.Mudi(ফেসবুক লিঙ্ক)
8167724107 ( হোয়াট্‌স অ্যাপ ও ফোন )
ইমেইলঃ- Rhtmudi@gmail.com