background : pixabay from pexel
তালা তিকিন সিতুম বেলা
আলাম দাড়ানা কই, ভাই (বকঞ),
চিম্টা নাঙ্গা সিতুম রে দ
দাড়ানাকু হাই বাই।
সেতাআ রাআ আয়ুমআ
গটা কাই কাই,
হিজুম হিজুম ভাই (বকঞ)
অড়াআ দেলা হাই বাই।
থির কাতেঃ তাহিনালাং
অড়াআ ভিতারে,
চিম্টা নাঙ্গা ঘুরা কাতেঃ
নিরায় কদের্রে।
জহার
 |
| image by aenik from pexel |
রুআ রাবাং রে
আমগে মাই ,
হাসু দরৎরে
আমগে মাই।
হারা কিইঞাম
দুখ জালাতে,
মারাং কিইঞাম
দায়া মায়াতে।
আমাআ জাগার , আমাআ দরৎ মাই ,
যাহা হুলাং কাঞ লিড়িং দাড়িইঞ।
আমাআ আড়াং , আমাআ রাহা মাই ,
হাতু দিশুম রে,
হালাং গতু গালাং মার্শালএগিঞ।।
থুতিজাগার মাই চেদ্ কিইঞাম
আমাআ আড়াং রাহাতে ,
বেলা দিশুম লঅ নাপাম কিইঞাম,
আমাআ হাসু জালাতে।
রাম লক্ষণ সে-এ-নাকু , সেঁদেরা জতজ বীর।
যা অড়েকু তাহীন কে , চিকাগেকু নি।।
বীর রে দ লাটা-পাটা , বর বুঝা-আ।
রাম লক্ষণ বরতে-দ , কাকীন পিছু-আ।।
কুড়াম-রে-দ সাহস চিকা , ছাতি চওড়া চওড়া।
শার-দ মেনা-আ গছা-গছা , আঁ-আ ! দ মেনা-আ জড়া-জড়া।।
হুডিঞ হেতেঞ হারায়নাঞ উরিচ গুপী গুপীতে
নাঁডে হাঁডে পুষি লেকা, ইতাৎ বাসী মাঁডিতে ।
নাহাল সি গামাঞাকু সেতা-আ হেতেজ তারসিঞ
ইনা মুদ্ধে হাপ ছুটি শনি-রবি, বার সিঞ।
লল মাঁডি কা জুটা-আ , ইতাৎ মাঁডিতে
তবু রহ তাহীন কেনাঞ বারো মাসীগে।
আষাঢ় বঙ্গা ঝিটিক জাপুট
কাসাই নালা বুন্যা।
আঙ তরা মানমি ঝত
দুব কাকু তাহিনা।।
সেতাঃ রেগে ঝিপির ঝিপির
সারাদিন দাআ।
হনকুকু সেনা ছাতা কাতেন,
কাটকম সাআ।।
মারাং কুকু সেনা পাখিয়া কাতেন
তিহিরে জাল পাটা।
হাকু কাটকম সাবকুয়া
বাইদ গাডা গোটা।।
দাআ মা চেহেল চেপেল
রিবিল সুড়ু সুড়ু।
আষাঢ় বঙ্গারে কামিয়াকু ঝত
লসদরে উড়ু সুড়ু।।
জাপুদ জাপুদ জমগে সানা
আমড়ু মেসা কাটকম।
গাডাঘুটু বাইদরে তখন
মানমি রাআ গমসম।।
বাইদ সেরে সেরে,বাউন্ডা টেরে টেরে,
আষাঢ় বঙ্গা ঝিটিক জাপুদ,
গাডানালা তাহিনা বুন্যারে।।
যুগ যুগ পারোমেনা, দিশুম হড় কু পাল্টায়েনা,
কডা সমাজরে তাহিয়েনাবু,ষোলো আনারে আট আনা।
বীর তালারে সিংহ রাজা,সমাজ তালারে S.T,
এন্ডেরেহ কাবু বিদেয়াঃ, সমাজ রাআ খুঁটি।
কাটা তিহি হাসু গেয়া, পাহাড়-পর্বত দেজ তে,
ভারতরেবু তিঙ্গুয়া সমাজ, কডা থুতিজাগারতে।
কডা থুতিবু বাগিলেখান, তিঙ্গুনাবু চিল্কাতে,
ডিস্কো DJ বু পাঞ্জায়তেনা,নাংরা-তুন্দাআ বাগি কাতে।
সারাক্ষণ কামিয়াবু, ঞেলেয়াবু TV সিরিয়াল,
সমাজরে তাহি কাতেৎ, হিড়িঞয়েৎ আবু সমাজ কালচার।
আদিবাসী হেন্দে হড় খাটা জম্বু সারিয়া
বহঃরাআ হুকাদাআ সেতাঃ হাতেন ঝরায়া
চাষ কামিরে খাটা কাতেন ফসল আবু ফলায়া
সোনার ফসল হুড়ু - চাউলি তেগে দিশম সাজায়া ।
নাহাল সাআ , হাসা মাআ , এনেহ তাবুআ কামি
আবু গেতং হিরার টুকরা যতো হাতেন দামি
হেন্দে হড়ঃ মেন্তেজ কি বাআয়না তাবুয়া স্ন্মান
কিষাড় হড়ঃ হেন্দে হড়ঃ কে করাআ কুয়াকু অস্ন্মান ।
কাকু সারিয়া আকু , হেন্দে হড়ঃ গে খাটা আকু
হড়ম রাআ মায়ম , হুঁকা দাআতে ঝরায়াকু
জমাঃ নুয়াঃ বাগি কাতেন চাষরে খাটা আকু
সোনার ফসল ফলা কাতেন দিশম সাজায়াকু ।
